"Ako Ngan (Malipayon Ako)"

Samtang ako naghimu niining akong "blog" naghuna-huna ako unsa ang akong ipangalan niini. Hangtod sa nakahunahuna ko niining mga pulong "Malipayon Ako". Sa tabang sa akong mga amiga nahunahunaan ko kining panaganlana. Nahibulong siguro kamo ug nganong kini ang akong gipangalan. Sa ubos inyong mabasa ang hinungdan
Napili ko nga titulo ang "Malipayon Ako" kay ako ang klase sa tawo na pirmi malipayon bisan ug sa kadaghang problema na akong gisagubang. Pinaagi sa paglingaw sa akong kaugaligon makalimtan nako sa makadiyot ang akong mga problema. Ang akong pagkamalipayon nakahatag sab ug lingaw sa ubang tawo. Gusto nako mapaabot sa ubang tawo na bisan ug sa kadaghang problema dili gayud nato kalimtan sa pagngisi. Ang pasige ug hunahuna sa problema daling makapatiguwang. Makasapot lang kani kanimo. Dapat matag-adlaw malipayon gayud ako kay kini ang magpakumpleto sa akong adlaw. Ako sab ang klase satawo na daling pakataw-on. Malingaw na gayud ako pag-ayo bisan sa mga gagmay lamang butang. Mao nga ingnon nalang ko sa akong mga amiga ug amigo nga mubo ko ug kalipay. Bisan ug ingon ani ko, gusto sab ko makahatag ug kalipay sa akong isig ka tawo. Ang pagpakatawa nila dakong butang na kaayo para nako. Katumanan na sa akong kaugalingon ang pagpahalipay kanila.
Mao kato ang hinungdan ug naganong "Malipayon Ako" ang pangalan sa akong "blog". Gusto gayud nako mabahin sa uban ang akong kalipay ug gusto sa nako makita sa uban ang tinood nga ako. Usa ka tawo nga daghan ug mga hagit sa kinabuhi nga gisagubang nga bisan sa kadaghan makaingon gihapon sa kaugalingon nga "Malipayon Ako".