"Cebuano ug Ako"

Sa pangadlaw-adlaw nako nga paggamit sa sinultihang Cebuano daghan nako nasinati nga mga panghitabo. Dili gaayud nako malikayan na masayop sa paggamit o pagsulti niini. Daghan kaayo ko ug mga kasinatian sa sinultihang Cebuano bisan uh ako usa ka bisaya ug nagdako nga kini ang sinultihang nakat-unan og una. Makakatawa nalang ako kung mahunahunaan nako kining mga panghitaboa. Ang dili gayud nako makalimtan na panghitabo nga akong nasinati sa pagsulti o paggamit sa Cebuano mao ang katong usa ko sa mga mobasa sa misa. Pagkahibalo nako na mobasa ko nalipay gayud ko og maayo. Apan ang akong kalipay medyo nahilaw kay akong nahibaw-an nga Cebuano nga pulong ang akong basahon. Nakuyawan ko pagmaayo kay dili gayud ako maayo mobasa ug Cebuano. Nagpraktis jud ko ug maayo. Ug katong miabot na ang adlaw sa akong pagbasa misamot ang ang akong kulba ug nangurog jud ang akong tuhod. Samtang ako nagbasa wala gihapon nawala ang akong kulba apan nakuhakuhaan na kini. Pagkahuman sa misa nagutana jud ko sa akong mga kauban kung natarong ba nako pagbigkas ang maga pulong unya miingon sila na maayo ra ug gamay ra ang sipyat. Nalipay jud ko sa ilang giingon. Wala ko magtoo na matarong nako ang akong pagbasa. Sukad adtong hitaboa kung kuhaon ko nga mobasa na sab para sa misa o sa ubang okasyon dili na jud ko mobalibad bisan og Cebuano pa ang akong basahon. Praktisan jud nako pagmaayo ang akong basahon labi na og Cebuano.

Sukad sa akong pagsige og basa ug mga pulong nga Cebuano akong nahibaw-an ug nahatagan og importansaya ang kining maong sinultihan. Akong nakita ang kanindot sa sinultihang Cebuano bisan og laglom na kaayo ang ubang mga pulong. Tungod sa akong nasinati na panghitabo dili na gayud nako ikauwaw ang maong sinultihan kung muadto ko og lain na dapit. Kay kahibalo man ko nga bisan ang ubang pulong o sulti nga Cebuano dili tanan makamao mosulti niini. Makaingon jud ko nga "unique" ang sinultihang Cebuano. Bisan asa ko muadto dili ko gayud ni makalimtan. Para nako ang sinultihang Cebuano parte sa akong pagkatawo nga angay nga ipasigarbo. Cebuano ug ako magkakuyog kanunay.